ڈاکٹر علامہ ہشام الٰہی ظہیر اسی عظیم مشن کے فکری وارث ہیں۔ وہ مدینہ یونیورسٹی کے فاضل ہیں، جس طرح ان کے والد محترم اس جامعہ کے ابتدائی اور ممتاز طلبہ میں شامل تھے۔ دفاعِ حرمین شریفین کے لیے جس خلوص، استقامت اور جرأت کا مظاہرہ علامہ احسان الٰہی ظہیرؒ نے کیا، آج وہی مشن ان کا بیٹا پوری ثابت قدمی سے آگے بڑھا رہا ہے۔ حکومتی پالیسی ہو یا ریاستی مؤقف—جہاں اصلاح اور تنقید ضروری ہو، وہ دلیل اور حکمت کے ساتھ بات کرتے ہیں۔ مگر جب معاملہ حرمین شریفین اور سعودی عرب کے دفاع کا آتا ہے، تو ان کی قیادت، جرأت اور فکری گہرائی کا کوئی ثانی نظر نہیں آتا۔ ان کا دفاع ایسا مدلل اور پُراثر ہوتا ہے کہ نہ صرف داخلی مخالفین بلکہ عالمی سطح پر موجود قوتیں بھی جواب دینے سے قاصر دکھائی دیتی ہیں۔